Skip to content

Kostaldeko zerbitzuak

Itsas-lerroaren jarraipena eta klima-aldaketaren (KA) adierazle morfologikoak sortzea

Irudiak erreftifikazioa eta itsas-lerroa detektatzea oinarrizko tresnak dira azterketa hauek egiteko. Horretarako TIMEX motako irudiak erabiltzen dira informazioa lortzeko. TIMEX irudi batek segundo bakoitzeko argazkiak integratzen ditu denbora-tarte adierazgarri batean (10-20 minutu). Irudi horri esker, estatistikoki adierazgarria den itsas-lerroaren kokapena jakin dezakegu; izan ere, olatu bakoitzak hondartzako ezpondan gora eta behera egiten du, eta, beraz, tarte horretan kostaldeko batez besteko mailaren adierazgarritzat har daitekeen lerro bat marrazten du.

servicios kostasystem

Klima-aldaketaren adierazle morfologikoak sortu ahal izateko, TIMEX irudi bat hautatzen da hileko, hainbat marea-maila adierazgarri adierazten dituztenak (marea baxua eta altua). Irudi horietatik abiatuta, itsas-lerroaren kokapena digitalizatzen da, eta bi adierazle lortzen dira: i) hondartzaren zabalera itsasgoran eta itsasbeheran (erreferentziako oinarri-lerro baten eta itsas-lerroaren arteko distantzia gisa zenbatetsia), eta ii) marez goitiko eta marearteko azalera itsasgoran eta itsasbeheran. Adierazle horiek hondartzen bilakaera morfologikoa ezaugarritzeko erabiltzen dira, eta itsasoko klima-aldagaiarekiko joerak eta aldakortasuna aztertzeko (adibidez, olatuen energia).

Adierazle morfologikoak eredu morfologikoak baliozkotzeko ere erabiltzen dira, itsas mailaren igoerari erantzuteko etorkizuneko agertokiak eta hondartzei lotutako bilakaera aztertzeko erabil daitezkeenak.

APLIKAZIO GUNEAK IKUSI

Argitalpenak

  • Gainza, J., Garnier, R., Nuñez, P., Jaramillo, C., González, E. M., Medina, R., Liria, P., Epelde, I., Uriarte, A., Monge-Ganuzas, M. (2019). Accelerating beach recovery by plowing the intertidal bar: a field experiment along the northern Spanish coast. Journal of Coastal Research, 35(5), 973-984.
  • de Santiago, I., Camus, P., González, M., Liria, P., Epelde, I., Chust, G., del Campo, A., Uriarte, A., 2021. Impact of climate change on beach erosion in the Basque Coast (NE Spain). Coast. Eng. 167, 103916.
  • de Santiago, I., Morichon, D., Abadie, S., Castelle, B., Liria, P., Epelde, I., 2013. Video monitoring nearshore sandbar morphodynamics on a partially engineered embayed beach. J. Coast. Res. 65, 458–463.